பெண்மை... !!! ஓர் மணலின் ஏக்கம்

 


கடலும்... பெண்மையும்...

அலையும்... மணலும் ரகசிய திருமணம் செய்தது  என்னவோ உண்மைதான்...

உன் அலைகளால் என் பெண்மையை அனுபவிக்கிறாய்... எத்தனை முறை உரசி செல்கிறாய் 

ஒவ்வொரு முறையும்  பெண்மையின் மென்மையை... மெய்ப்பிக்கிறாய் 

புகுந்த வீடான  பூமிக்குள், பூத்திருக்கும்  பூமாலையாய் நானிருக்க... என் மனதில் ஆர்ப்பரித்து ஆருடம் பார்த்து செல்கிறாய்... 

உண்மையில் ஆழமானது தான் இந்த கடல்,  பெண்மையின் மனமரியாதவன் நீயில்லை...  உன் மனம் அறியும் தேடலில் நான்...

தோல்வி பயம் தான் என்னுள்... நீ இருக்கும் தைரியத்தில் என் பயணம் உன்மேல் மூழ்காத படகாய்...

துள்ளிக்குதிக்கும் மீனுக்கும் எனக்கும் என்ன வேற்றுமை... மனதளவில் என்னை தூண்டில் இட்டு தூக்கிலிட்டாய் மனதை...

மணலாக என் எண்ணங்கள் மலர்ந்து இருக்க... என்னை சீண்டி விட்டு சில்மிஷம் செய்கிறாய்... உனக்கான ஓவியத்தை நான் வரைய  மீண்டும், மீண்டும் அழித்து செல்கிறாய் அறிய முடியாத ஓவியமாய் நீ ...

சிறுக சிறுக சேர்த்து வைத்த என் பெண்மையெல்லாம் உன் பேராசையால் பெரிய அலையோடு பிய்த்துகொண்டு போகிறாய்... 

யாருக்காக இத்தனை முறை முயற்சிக்கிறாய்... ?  பறந்து விரிந்த மனதை... பந்தியில் விரித்து, புள்ளி வைத்த பூ கோலமாய் நீல நிறத்தில் கோலமிடுகிறாய்...!   அழகுக்கு நிலாவை விட்டு தூது விடுகிறாய்...

 உனக்காக நான் கரையாக காத்திருக்க... மீண்டும், மீண்டு வந்து போகிறாய்... கொஞ்ச நேரம் கொஞ்சி போனால் என்ன... கெஞ்சி தானே கேட்கிறேன்...

அறிவியலும் அசந்து போகும் உன் அழகை கண்டு... அத்தனை அதிசயம் உன்னுள்...

மீட்ட முடியாத வீணையாக,  என் கனவுகள் வீணாக கடலில் தஞ்சம் 

என் மனம் அறியா அறிவியல் அது... 

இளைப்பாறி கொள்ள கொஞ்சம் இடம் தேடி, இதயத்தை தொலைத்து  தடம் மாறிய படகு நீ ...வழி பறி இல்லா விட்டால்... ! உன்  காதல் எனக்கே சொந்தம்...

அக்கரையும், உன் அக்கறையும் ஒன்றுதான்... நான் மட்டுமெ அறியும் வழி தடம்... என் கண்களின் கலங்கரை விளக்கமாக உன் பயண பதிவுகள்...

 என் காதலின் ஆழத்தை அறிய வைத்து பல முறை துள்ளி கொண்டு, துணிந்து வருகிறாய்...

என்மேல் உன் ஆசை கொண்டு பாயத்தான் பார்க்கிறாய்..என்னை கண்ட கணத்தில்... உன் இடம் தேடி துவண்டு ஓடுகிறாய்... 

இது என்ன விதியின விளையாட்டா ...?

அலைகளெல்லாம் ஆண்மையானால்...! நான் உனக்கு மணலாய் பெண்மையாவேன்...!

 அறிவியலுக்கும் ஆயுசு உண்டு,  எந்த விதிக்கும் கட்டுப்பாடு இல்லை கண்டுபிடிக்கும் வரை...

கடலும்... நீயும்  ஒன்றானால், நான் நீ உரசும் கரையாகவே  இருக்கிறேன்... மீண்டும் மீண்டும் நீ... என்னை அடைய முயற்சிப்பதால்...  என்னை மட்டும் விட்டு விடாதே... உன் விலகலை விரும்பாதவள் நான்...  

இப்படியான ஓர் பெண்மை...மணல் போல் ஓவியமாய்... அந்த கடல் அலைகளை நோக்கி...அவனின் வருகைக்காக காத்திருக்கிறேன்....    . 



Comments

Post a Comment

Popular posts from this blog

விலைமாது..........???

Image
விழியோடு விழி மோதி கண்ணீர் சிந்துகின்ற நேரம் என் மாலை பொழுதின் -மஞ்சு விரட்டு விளையாட்டு  எல்லோர்க்கும் இரவு நேரம் இருட்டாகும்போது - ஏனோ எனக்கு மட்டும் வெளிச்சம் பிறக்கிறது  எத்தனை முறை என்று எண்ணிப்பார்க்க தோன்ற வில்லை  எனக்கு தினமும் முதல் இரவுதான் - புது வரவுடன் மட்டும் மற்றவர்க்கெல்லாம் இல்லாத சமூக உணர்வு எனக்கு மட்டும்  காப்பாகத்தான் உறவு கொள்கிறேன் எனக்கு தெரியாது  இவ்வுலகில் எத்தனை பேர் மற்றவர்களை மகிழ்விப்பார்கள் என்று  ஆனால் நான் ....!!!!  சொர்கத்தில் நிட்சயமாக எனக்கு ஒரு இடம் உண்டு  காலம் இதை தவறு என்று சொல்லாதவரை குடை இருந்தும் மழையில் நனையும் காளான் போலதான் என் வாழ்க்கை  வழி மாறிய பயணம் -மற்றவர்களிடமிருந்து  எத்தனையோ ஆண்களின் ஊடல் பசிக்கு  விருந்தாய் என் உடல் மட்டும் உள்ளம் மட்டும் ஏனோ தேடி தவிக்கிறது  என்  உள்ளத்தை ஆட்கொள்ள ஒருவனை  நானும்  ஒரு பெண் என்பதால் ..!! எனக்கு தெரியும் மனைவிகளின் மனது என்ன செய்வது தொழில் தர்மம் பலன் கொடுக்க துடிக்கிறது  தூங்காத இரவுகள் கண்ட கண்கள் இது உதயம் கொண்ட சூரியனை கண்டதில்லை  மீண்டும் ஒரு முறை திரும்பிப்பார்க்கிறேன்  நான் கடந்து வந்த...
Read more

அன்பு காதலிக்கு ...........

Image
சமைந்த பெண்ணானேன் உன் முகம் - பார்த்து ... ! பூமிகென சிறப்பாய் மானிட பிறவி எக்கிரகதிற்கும் கிடைக்காத வரம் - நீ எனக்கு கிடைத்தது போல் நான் அம்மா என்றுஉரைக்க என் தாய் பட்ட வலி நான் உன்னை என் மனதால் சுமந்த போது ......! பேசாமல் மௌன மொழி காத்தாய் உணர்ந்தேன் ஆயிரம் அர்த்தங்களை முன்னிருந்து நான் நடக்க உன் விழி பார்த்ததும் பின்னி பிணைகின்றன என் கால்கள் போதைஇன் மொத்த உருவத்தையும் உன் கண்ணில் சுமக்கிறாயே வலி தாங்காமல் என் மேல் இறக்க கிறங்கிபோனேன் நான் உன் பார்வையில்... போர்வைக்குள் ஓடி ஒளிகிறேன் உன் பார்வையை எதிர்கொள்ள பயந்து .... மேகமாய் மாறிப்போன உன் பார்வைகள் என் மூச்சு காற்று பட்டதும் காமமாய் பொழிந்தனவே ..... ஊடகமாய் மாறி விட்ட உன் உடம்பில் ஊற்றெடுக்கும் நீருக்குள் நனைந்துவிட தத்தளிக்கிறது என் தேகம் மீளமுடியாமல் ....... கொக்கரிக்கறது என் தேகங்கள் மீண்டும் உன் உடல் தேடி ....... உள்ளதை மட்டும் கொடுக்காமல் உடலையும் கொடுத்தவளே இவ்விரண்டும் என் உயிர் சுமக்கிறது உன்னுள் ... அம்மா என்று உரைக்கும் நாள் காண கனவுடன் நீ - கண்ணியத்துடன் நான்.....! பிரகாஷ்.சு
Read more